काठमाडौं । आजका लागि बोलाइएको सत्तागठबन्धनको बैठक सारिएको छ ।
आज बिहान ११ बजेका लागि बोलाइएको बैठक दिउँसो २ बजेका लागि सरेको छ।
प्रधानमन्त्री तथा नेपाली कांग्रेसका सभापति शेरबहादुर देउवाको व्यस्तता र सत्तारूढ अन्य पार्टीको पनि बैठक रहेकोले बैठक तीन घन्टा पर सारिएको गठबन्धनका एक नेताले बताए ।
बालुवाटारमा बस्ने बैठकमा आज महानगर र उपमहानगरमा भागबन्डा गर्नेबारे सहमतिमा पुग्ने सत्तारूढ दलहरूको तयारी छ ।
छ महानगरमध्ये कसले कहाँ लिने भन्नेमा विवाद छ। त्यसमा भरतपुरमा काँग्रेस र माओवादीबीच दाबी गर्ने होडबाजी चलेको छ । यस्तै पोखरामा कांग्रेस र नेकपा एकीकृत समाजवादीले दाबी गरेका छन्।
