बिर्तामोड , जेठ १३ । बिर्तामोडको पूर्वी क्षेत्रमा आज पनि दिनभरि विद्युत आपूर्ति नहुने भएको छ ।
११ केभी चारआली फिडरअन्तर्गत बिर्तामोडको घन्टीबारी , स्यालडाँगी , कंचनजंघा टोल, हर्कलाल मार्ग आसपासका क्षेत्रमा आज पनि बिहान ८ देखि बेलुका ४ बजेसम्म विद्युत आपूर्ति नहुने भएको हो । विद्युत लाइन मर्मत संभार र पोल स्थानान्तरणको काम नसकिएकाले बिजुलीको लाइन काटिने अनारमनी वितरण केन्द्रले जनाएको छ । केही दिनदेखि त्यस क्षेत्रमा मर्मत संभारको काम भइरहेको छ ।
