युनिकोड    राशिफल    एफएम रेडियाे                        
 BREAKING
रेमिटेन्सले सुस्त बनाएको अर्थतन्त्र, विकृत बनाएको राजनीति | आगलागीबाट लाखौंको क्षति | टर्कीमा ७.८ म्याग्निच्युडको शक्तिशाली भूकम्प | छाला जुत्ता व्यवसाय संकटमा : श्रीमतीलाई सिप सिकाएर श्रीमान् विदेश जाने तयारीमा | राष्ट्रिय सभाको बैठक बस्दै, यस्ताे छ कार्यसूची | प्रधानमन्त्रीले बोलाए प्रमुख सचेतकहरूको बैठक | पुरानो सत्तालाई बदल्न नयाँ मान्यता र नयाँ शैलीसहित नेकपा रूपान्तरणको बाटोमा अग्रसर छ : रणवीर | नेपाल टेलिकम १९औँ वर्षमाः २ करोड १३ लाख २५ हजार बढी ग्राहक | पार्टीले आज ठोस निर्णय लिन्छ : सभापति लामिछाने | चितवन–२ मा स्वतः निर्वाचित घोषणा गर्न श्रेष्ठको माग |

काठमाडौं । ‘कबड्डी ४’ले घरेलु बक्स अफिसमा पहिलो सप्ताहन्त ओपनिङ कीर्तिमान कायम गरेको छ । फिल्मको तीन दिनको कुल ग्रस कमाइ झण्डै ८ करोड रुपैयाँ छ ।

तीन दिनमा लगातार तीन करोड अनुपातमा कमाइ गरेको फिल्मले आगामी दुई दिनमा दुई अंकको कमाइ गर्ने अपेक्षा छ । सोमबार र मंगलबारको शो र अकुपेन्सी हेर्दा कमाइले १० करोडको आँकडा पार गर्ने अनुमान छ ।

मुख्य मल्टिप्लेक्स चेन क्यूएफएक्समा पहिलो सप्ताहन्तको कमाइ २ करोड १८ लाख रुपैयाँ ग्रस छ । दोस्रो ठूलो मल्टिप्लेक्स चेन आईएनआईको कमाइ १ करोड १२ लाख रुपैयाँ ग्रस छ ।

वान सिनेमाजमा ४५ लाख, बिग र एफक्यूबको कमाइ ४० लाख अनुपातमा छ । बीएसआरमा ३० लाख, पोखराको मिडटाउनमा १२ लाख, गोपीकृष्ण र अष्टनारायणमा २० लाख, रञ्जनामा २१ लाख ग्रस कमाइ छ ।

मुलुकको फिल्म कमाइको एकतिहाइ हिस्सा क्यूएफएक्स एक्लैले ओगट्छ । सोमबार र मंगलबार पनि अकुपेन्सी ८० देखि ९० प्रतिशतमा रहने क्यूएफएक्सको तथ्यांकले देखाउँछ ।

रामबाबु गुरुङ निर्देशित फिल्मले अझै केही साता घरेलु बक्स अफिसमा दबदबा कायमै राख्ने प्रक्षेपण छ । वितरक गोविन्द शाहीले भने फिल्मले तीन दिनमा ९ करोड १५ लाख रुपैयाँ ग्रस कमाइ गरेको दाबी गरे ।

उनका अनुसार फिल्मले पहिलो दिनमा ३ करोड ५ लाख, दोस्रो दिनमा ३ करोड १५ लाख र तेस्रो दिनमा २ करोड ९५ लाख रुपैयाँ ग्रस कमाइ भएको शाहीले जनाए ।

झण्डै तीन करोड लगानीमा निर्माण भएको फिल्मले रिलिजअघि नै विदेश र डिजिटल अधिकार बिक्रीबाट लगानी सुनिश्चित गरेको छ । मणिराम पोखरेल र बाँसुरी फिल्म्सले निर्माण गरेको फिल्ममा दयाहाङ राई, सौगात मल्ल र मिरुना मगरको मुख्य भूमिका छ ।

प्रतिक्रिया

सम्बन्धित खवर

संचालक : सुबास कुमार ढकाल
सम्पादक : सुलोचना कार्की
दर्ता प्रमाणपत्र नं ३०७७-२०७८/७९