काठमाडौँ — मुस्ताङको थासाङ गाउँपालिका–२ कोवाङको सिरानमा पर्ने सानोसरे भीरमा विमान दुर्घटनामा सवै मृतकको शव संकलन भएको छ ।
चालक दलका ३ जनासहित २२ यात्रुमध्य १० वटा शव उद्धार गरी काठमाडौं पुर्याइएको छ ।
मुस्ताङको थासाङ गाउँपालिका–२ कोवाङको सानो सरेभीरबाट सोमबार शव संकलन गर्दै सुरक्षाकर्मी ।
मुस्ताङका प्रमुख जिल्ला अधिकारी नेत्रप्रसाद शर्माका अनुसार बाँकी १२ शवमध्ये १० वटा शव दुर्घटनास्थलबाट तल कोवाङ बस्तीमा झारिएको छ । थप दुई वटा शव तल झार्ने काम भइरहेको छ ।
‘विमान दुर्घटनामा ज्यान गुमाएका सबै यात्रुको शव संकलन भएको छ । १० वटा शव हिजै काठमाडौं पठाइयो । बाँकी १२ शव घटनास्थलबाट तल कोवाङ बस्तीमा झार्ने काम भैरहेको छ । केहीबेरमा बाँकी शवहरु काठमाडौं पठाउछौं,’ प्रजिअ अधिकारीले बताए ।
