काठमाडौँ — नवनियुक्त मन्त्रीहरूको शपथ ग्रहण सोमबार दिउँसो ११ बजे हुने भएको छ । शितलनिवासस्थित राष्ट्रपति कार्यालयमा दिउँसो ११ बजे शपथ ग्रहण हुने भएको हो । राष्ट्रपति विद्यादेवी भण्डारीले शपथ ग्रहण गराउने कार्यक्रम रहेको बताइएको छ ।
नेकपा एकीकृत समाजवादीको सिफारिसअनुसार जीवनराम श्रेष्ठ संस्कृति, पर्यटन तथा नागरिक उड्ययन, मेटमणि चौधरी सहरी विकास, भवानीप्रसाद खापुङ स्वास्थ्य, शेरबहादुर कुँवर श्रम रोजगार तथा सामाजिक सुरक्षा मन्त्री नियुक्त भएका छन् । त्यस्तै, हिराचन्द्र केसी स्वास्थ्य तथा जनसंख्या राज्यमन्त्री बनेका छन् ।
समाजवादीको सचिवालय बैठकले गत जेठ २२ गते नै मन्त्री हेरफेर गर्ने निर्णय गरेको थियो ।
