काठमाडौँ – नवनिर्वाचित भारतीय राष्ट्रपति द्रोपदी मुर्मूले नेपाल र भारतबीचको सम्बन्ध चाँडै नयाँ उचाईंमा पुग्ने विश्वस व्यक्त गरेकी छन् । राष्ट्रपतिमा निर्वाचित भएपछि प्रधानमन्त्री शेरबहादुर देउवाले दिएको शुभकामनाप्रति धन्यवाद व्यक्ति गर्दै द्रोपदीले उक्त कुरा बताएकी हुन् ।
सामाजिक सञ्जाल ट्वीटरमा उनले भनेकी छन्, ‘नेपालका प्रधानमन्त्री शेर देउवालाई न्यानो व्यवहारका लागि धन्यवाद । हो, नेपाल र भारतबीचको उत्कृष्ट मित्रता र महान् सम्बन्ध छिट्टै नयाँ उचाइमा पुग्नेमा म विश्वस्त छु ।’ यसअघि प्रधानमन्त्री देउवाले द्रौपदीलाई भारतको राष्ट्रपतिमा निर्वाचित भएकोमा बधाई दिँदै नेपाल–भारतबीचको सम्बन्धले आगामी दिनमा नयाँ उचाईंलिने विश्वास व्यक्त गरेका थिए ।
राष्ट्रिय लोकतान्त्रिक गठबन्धन (एनडीए)का तर्फबाट उम्मेदवार बनेकी ६४ वर्षीय मुर्मू बिहीबार भारतको १५औँ राष्ट्रिपतिमा राष्ट्रपतिमा निर्वाचित भएकी थिइन् । उनले मुमूले संयुक्त प्रगतिशील गठबन्धन (यूपीए)का उम्मेदवार यशवन्त सिन्हालाई तेस्रो चरणको मतगणनामा नै पराजित गरेकी हुन् । यससँगै मुर्मू भारतको सर्वोच्च पद (राष्ट्रपति)मा पुग्ने पहिलो आदिवासी र दोस्रो महिला बनेकी छन् ।
मुमूले राष्ट्रपतिको शपथ जुलाई २५ मा लिनेछिन् ।
सन् १९९७ मा भारतीय जनता पार्टीमार्फत राजनीतिक जीवन सुरु गरेकी मुमूले त्यसअघि शिक्षण पेशा अंगालेकी थिइन् । उनी सन् २०१५ मा झारखण्डको पहिलो महिला गभर्नर बन्न सफल भएकी थिइन्।
