काठमाडौं । प्रमुख प्रतिपक्ष दल नेकपा (एमाले)का नेता–कार्यकर्ताहरूले आज महँगीविरुद्ध काठमाडौंमा वृहत प्रदर्शन गर्ने भएको छ ।
महँगीका कारण नागरिकको जीवन कष्टकर बने पनि त्यसलाई नियन्त्रण गर्न सरकारले कुनै कदम नचालेको भन्दै ‘विशाल जनप्रदर्शन’ गर्न लागिएको एमालेले जनाएको छ ।
दिउँसो २ बजे काठमाडौंको वसन्तपुरमा प्रदर्शन गरिने तय छ । त्यसअघि विभिन्न स्थानबाट जुलुस निकाली वसन्तपुर पुग्नेछ ।
जुलुसमा उपत्यका विशेष प्रदेश कमिटी, पार्टीका केन्द्रीय विभागहरू, सांसदहरू, उपत्यकामा पार्टीबाट निर्वाचित स्थानीय तहका जनप्रतिनिधिहरू, सम्पर्क मञ्चहरूलगायत सहभागी हुने एमालेले जनाएको छ ।
