युनिकोड    राशिफल    एफएम रेडियाे                        

एजेन्सी ।म्यानचेस्टर युनाइटेडका प्रशिक्षक एरिक टेन हागले प्रिमियर लिगमा लगातार दोस्रो हार बेहोरेपछि टोलीमा थप स्तरीय खेलाडी आवश्यक रहेको बताएका छन् ।

शनिबार ब्रेन्टफर्डको मैदानमा बिर्सनलायक प्रदर्शन गर्दै टोली ४-० ले पराजित भएको थियो । सुरुवातमा निकै खराब खेलेको टोली ३५ मिनेटमै ४-० ले पछि परेको थियो । दोस्रो हाफमा केही सुधारिएको प्रदर्शन गरेपनि टोलीले खेलमा खास उपलब्धि देखाएन । खेलपछि प्रशिक्षक टेन हागले युनाइटेडमा अझै स्तरीय खेलाडी आवश्यक रहेको बताए ।

‘हामीले आज देखाएको भन्दा स्तरीय प्रदर्शन गर्न जरुरि छ । हामी टोलीका रुपमा एक कठिन प्रक्रियामा छौं । हामीले फरक सुरुवात अपेक्षा गरेका थियौं । सोचेजस्तो भइरहेको छैन,’ उनले भने, ‘हामीलाई नयाँ खेलाडी चाहिएको छ । स्तरीय खेलाडी चाहिएको छ । हामी त्यसमा काम गरिरहेका छौं र खेलाडीलाई यहाँ ल्याउन सक्दो प्रयास गर्नेछौं ।’

ब्रेन्टफर्डविरुद्ध खराब प्रदर्शन गरेपछि टेन हागले हारको जिम्मेवारी आफूले लिने बताए । ‘टोलीले जिम्म्मेवारी लिनुपर्छ । म समर्थकसँग माफी माग्छु । हामीलाई यति समर्थन गर्दापनि खुसी दिन सकेका छैनौं,’ उनले भने, ‘टोलीको रुपमा र व्यक्तिगत खेलाडीले आफ्नो जिम्मेवारी निर्वाह गर्नुपर्छ । त्यो हुन सकेको छैन । यसमा निकै मिहिनेत गर्नु आवश्यक छ ।’

युनाइटेड बार्सिलोनाका मिडफिल्डर फ्रेंकी डे जोङ अनुबन्ध गर्न प्रयासरत छ । दुवै क्लब यसका लागि सकारात्मक रहेपनि डे जोङ बार्सिलोना छाड्न चाहिरहेका छैनन् । युनाइटेडले यसअघि बोलोग्नाका मारको अर्नाउटोभिच र युभेन्टसका एड्रिएन राबीओट अनुबन्ध गर्न खोजेपनि समर्थकहरु रुष्ट हुँदा ट्रान्सफर अघि बढ्न सकेन ।

प्रतिक्रिया

सम्बन्धित खवर

संचालक : सुबास कुमार ढकाल
सम्पादक : सुलोचना कार्की
दर्ता प्रमाणपत्र नं ३०७७-२०७८/७९