दमक, साउन ४ । सडक दुर्घटनामा दमक ५ निवासी नवोदित राष्ट्रिय धावक तेजेन्द्र प्रधानको मृत्यु भएको छ ।
९ दिनअघि दमक २ स्थित आम्दा अस्पताल सडकखण्डमा बा.१६ च. ३७२६ नम्बरको कारको ठक्करवाट गंभीर घाईते भएका २५ बर्षिय प्रधानको बिर्तामोडस्थित बिएण्डसी अस्पतालमा गएराति ८.४५ वजे उपचारका क्रममा मृत्यु भएको हो ।तीव्र गतिमा आएको कारले अनियन्त्रित भई दौडिरहेका प्रधानलाई ठक्कर दिएको थियो । ठक्करवाट प्रधानको टाउकोमा गहिरो चोट लागेको थियो ।
धावक प्रधानले छोटो समयमा नै मोफसलदेखि राष्ट्रियस्तरका दौड प्रतियोगितामा विभिन्न पुरस्कार प्राप्त गरेको माओवादी केन्द्र दमकका सचिव तिर्थराज बस्नेतले जानकारी दिए ।
दुर्घटनामा संलग्न कार र त्यसका चालकलाई इलाका प्रहरी कार्यालय दमकले नियन्त्रणमा लिएको प्रहरी नायव उपरीक्षक नवराज कार्कीले बताए ।
